https://hk.finance.appledaily.com/finance/realtime/article/20180515/58196013
May 15, 2018
初創企業配對平台J.A.D.E今日首次舉辦創業論壇，活動創辦人兼行政總裁郭偉儀表示，由籌備論壇用了約三個月時間準備，邀請了不少來自矽谷的導師、公司負責人進行演講。自己聽過最多初創者反映以往參加過不少同類型論壇，「好多都係畀過千入場費，但大部份都無乜用，已經唔去。」
她指這個論壇入場費為400元，舉辦時都不時提醒自己「要貼地」：「好似啲講者真係同聽眾有互動，要坐足一日，唔係講完就算。」她汲取不少過往辦論壇的經驗，指很多時初創者欲在活動上找投資者，「但唔係交換吓卡片就畀幾十萬你，好多時都要慢慢傾，所以我盡量會畀依啲機會。」
她特別提到，現時不少發展商都將辦公室改成共用工作空間：「好多時都只係間晒啲位，租唔租得晒就算。」認為真正支援不太夠。但始終「有好過無」，「起碼有個群體效應，同埋畀多啲人知Startup係乜。」
有份出席活動的初創者，AI公司Insider經理莊漢彬就指，已在活動中認識了兩位對公司有興趣的天使投資者，認為現時香港對Startup的支援比過去幾年好，但認為招聘人手是最大困難之一：「要搵一個有經驗，同埋有創業家精神嘅員工，唔係一年易事。」
記者：梁延宇
